کورپاڼه ادب ورځپاڼې: د طالبانو او امریکایانو راتلونکې ناسته له دوحې کنفرانس وروسته کېږي
ادب - اپریل 17, 2019

ورځپاڼې: د طالبانو او امریکایانو راتلونکې ناسته له دوحې کنفرانس وروسته کېږي

قطرۍ ورځپاڼې العرب لیکلي د امریکا د بهرنیو چارو وزارت وايي چې په قطر کې د طالب استازو او امریکايي چارواکو ترمنځ د خبرو د بل پړاو نېټه نه ده ټاکل شوې.

ورځپاڼه زیاتوي، د بهرنیو چارو وزارت ویاند له طالبانو سره د شپږم پړاو د خبرو په اړه د یوې پوښتنې په ځواب کې لیکلي چې زلمي خلیلزاد تر اوسه د بل پړاو خبرو لپاره وخت نه دی ټاکلی. ویاند زیاته کړې د بل پړاو د خبرو د پیل لپاره په قطر کې د بین الأفغاني خبرو پایلو ته په انتظار دي. دغې غونډې ته د افغان دولت د استازو په ګډون د ۲۵۰ کسانو نوملړ اعلان شوی.

العرب ورځپاڼه د طالبانو هغه اعلان ته چې ویلي و د طالبانو له خوا به په بین الأفغاني غونډه کې مېرمنې هم ګډون کوي، اشاره کړې او زیاتوي دا د طالبانو په دریځ کې چې د ښځو د حقونو په برخه کې سخت دریځي کوي یو ښه بدلون دی.

ورځپاڼې د طالبانو د یوه ویاند له خولې لیکلي، د دوی له خوا ګډون کوونکې مېرمنې به یوازې په بین الأفغاني غونډه کې برخه اخلي او له امریکایانو سره په خبرو کې ګډون نه کوي.

واشنګټن پوسټ ورځپاڼې په افغان سوله کې د ښځو د ونډې په اړه یوه مطلب کې ویلي، د افغانستان لومړۍ مېرمن رولا غني د سولې په هڅو کې د ښځو د ونډې د پراخولو لپاره د پام وړ هڅې پيل کړي دي اوس هغه د داسې یو چا په توګه مطرح ده چې له پياوړي موقفه هلې ځلې کوي.

برتانوۍ ورځپاڼه انډیپنډینټ لیکي د داعش ډلې د هغه ملاتړې د بند موده کمه کړل شوې ده چې د ملکي د ګړوسي پر ښوونځي، پر فوټبال سیالیو او پر یهودانو د بریدونو غوښتنه او هڅونه یې کړې وه.

ورځپاڼه لیکي دغه کس چې حسین راشد نومېده. د ترهګریزو بریدونو په تور په ۲۵ کاله بند محکوم شوی و. انډینپنډینټ لیکي پولیس ویلي چې دغه کس هڅه کړې وه چې د نړۍ په نورو برخو کې نور کسان جنایت کولو ته وهڅوي او وايي ده شفري پيغامونه استول او سپارښتنه یې کوله چې زهري مواد، موټر، وسلې، کیمیاوي مواد او بمونه په بریدونو کې وکارول شي.

خو اوس محکمې د دې ۳۲ کلن زنداني قید نولس کالو ته راټیټ کړی، ځکه مدافع وکیل یې استدلال کړی و چې دا سزا د ده لپاره مناسبه نه ده.

فایننشال ټایمز ورځپاڼې د چین او امریکا ترمنځ په مصنوعي ذکاوت کې د سیالۍ په اړه یو مطلب خپور کړی، په دې مطلب کې د مصنوعي ذکاوت د یوه کارپوه په حواله لیکي چې چین له امریکا سره د انټرنېټ اړوند مصنوعي ذکاوت کې برابر دی، خو د اقتصادي او ورځنیو چارو اړوند مصنوعي ذکاوت برخه کې له امریکا شاته ده. خو د خپل چاپيریال د درک کولو اړونده مصنوعي ذکاوت کې تر امریکا مخکی دی.

دا کارپوه وړاندوینه کوي چې په راتلونکو پنځو کلونو کې به چین له امریکا څخه په دې څلورو واړو برخو کې مخکې شي.

د ملي امنیت منسوبینو په تورخم ښارګوټې کې له پاکستان نه را لیږدول شوي یو ټیلر کي لس زره کیلو ګرامه چاودیدونکې توکې نیولي

د هلمند ولایت ناوې ولسوالۍ اوسېدونکي: د سولي او اوربند غوښتنه کوو، او د خپلو امنیتي ځواکونو ترشاه ولاړیو

پکتیکا کې څلور تنه غله نیول شوي دي

ښځه د تاريخ په هنداره کې/لیکوال امان الله نصرت

ویسا اکاډمي د نجونو څانګې د ښځو نړیواله ورځ ولمانځله

هلمند کي ۸ مه د مارچ یا د ښځو نړیواله ورځ ولمانځل شوه

د پي ټي اېم علي وزیر او محسن داوړ په پيښور هوائی ډګرکې د پاکستان د پوليسو لخوا ودرول شول!

ربي پیرزاده د “کرونا ویروس” اسانه درملنه بیان کړه

دسولي په اړه څو خبرې/لیکنه: غورځنگ سیال

د رڼا په لور/لیکوال امان االله نصرت

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *